Idrizi: t’i jepet pasaportë shqiptare edhe çamit ortodoks, Presidentit grek Papulias!

Ndërsa Ministria e jashtme greke deklaron se “nuk ka çështje çame”, kreu i PDIU Shpëtim Idrizi ka deklaruar gjatë një debati të hapur në Univ. Luarasi se qeveria shqiptare nuk ka bërë asgjë për çamët, sipas Shqiptarja.com. Idrizi (kohët e fundit i përfolur për një anim të mundshëm në një koalicion me LSI jashtë konjukturave) ka deklaruar se e mbështet nismën për t’u dhënë pasaportë të gjithë shqiptarëve, që të përfitojnë edhe çamët ortodoksë që jetojnë në Greqi.  “Madje ne si shtet shqiptar duhet t’i japim pasaportën shqiptare dhe Presidentit grek Karolos Papulias i cili është çam ortodoks” citohet Idrizi nga Shqiptarja.com.

“Lëvizja Çame”, nga ana tjetër, pas deklaratave të Min. së Jashtme Greke, kundër-përgjigjet me një deklaratë të botuar te Tema, ku rikujtojnë:

"Ju lutemi referojuni medias së shkruar për të kujtuar përgëzimin që z.Idrizi i bëri vizitës së suksesshme të Ministrit të Jashtëm Panariti në Athinë dhe sesi nga kjo ditë Çështja Çame nuk do të dilte më nga diskutimet e nivelit të lartë midis dy vendeve."

Më pas Lëvizja Çame i bën thirrje PDIU:

“Me butafori rrugësh, makijazhe apo leksione të hapura në universitete nuk zgjidhet Çështja Çame, z. Idrizi.

Ështe koha të rinisim punën tonë për Çështjen Çame atje ku e lamë tre vite e gjysmë me parë. Është koha që të gjithë së bashku të ndërtojmë një strategji transparente dhe demokratike për kauzën tonë. Çamëria është vërtetë në rrezik, ne çamët i duhemi asaj dhe i duhemi sot”.

Ja.Se.

Për më shumë:

http://www.gazetatema.net/web/2012/12/08/levizja-came-deklarata-e-mpj-greke-nxjerr-zbuluar-idrizin-dyshojme-nese-ka-ndonje-rezolute-nga-pdiu/

http://respublica.al/artikuj/2012/12/08/min-jashtme-greke-ceshtja-came-nuk-ekziston-a-do-kunderpergjigjet-kryeministri-qe