Takohemi...
Pas tre thirrjeve publike të kreut të opozitës, kryeministri i vendit u shpreh sot i gatshëm të takohet me Ramën. Veçse jo në orën 10.00 të caktuar nga Rama. Citon Berishën agjensia Balkanëeb: “Rama ka dhënë një përgjigje se fton nesër në orën 10:00 në 'Sheraton', por nga ana tjetër shprehet i gatshëm që të pranojë sugjerimet e mija, duhet t’i kërkoj urgjentisht që të takohemi sonte në çdo kohë, ose nesër pasdite pasi axhenda ime nesër në orën 10 është jashtë mundësive të mija për ta modifikuar. Jam i hapur, do të kërkoj që bashkëpunëtorët e zotit Rama dhe bashkëpunëtorët e mi të ulen të qartësojnë axhendën. Mire do ishte të mblidheshim sot dhe nesër të mbledhim Parlamentin dhe këto ligje të votoheshin”.
Rama disa orë më parë bëri thirrjen e tretë publike për takim me Berishën dhe në rrethana hezitimi të Berishës (sot gjatë gjithë ditës, është hedhur e pritur ideja e takimit) caktoi në apelin e fundit edhe një orë dhe vend takimi.
Shkruan BË: “Pas tre apelesh të përsëritur publikë të kryetarit të opozitës në adresë të shumicës parlamentare dhe pas një sërë thirrjesh televizive të kryeministrit, ku ky i fundit ka shprehur gatishmërinë “për t’u takuar në çdo orë dhe vend për të çuar përpara integrimin” kryesocialisti Edi Rama fton publikisht për takim qysh nesër kryetarin e Partisë Demokratike. Kryetari i opozitës propozon që takimi të zhvillohet nesër paradite në orën 10.00 në mjediset e Hotel "Sheratonit", edhe me praninë e të gjitha forcave parlamentare. Po ashtu, Edi Rama propozon që takimi të zhvillohet edhe me praninë e medias, për të garantuar transparencën optimale me publikun të të gjitha kontributeve në këtë tryezë të partive parlamentare për procesin e integrimit. Megjithatë, kryetari i Partisë Socialiste thekson se mbetet i hapur të mirëpresë e të pranojë pa kushte çdo propozim të ndryshëm të kryeministrit për orën, vendin dhe formatin e takimit...”
Comments
E degjova sot kryeministrin
<p>E degjova sot kryeministrin ne mbledhje kur po fliste. U shpreh se ishte i gatshem te takohej per te diskutuar per tre ligjet por jo per Fierin. Sjellje tipike e nje politikani arrogant te pandreqshem dhe e nje njeriu qe e di qe po vjedh ( Fierin kesaj rradhe) dhe nuk do te flase. Te kesh 22 vite ne politike dhe kur kreu i opozites te ben 3 here apel per takim rradhazi, eshte e turpshme te pergjigjesh ne kete menyre, si nje hajdut frikacak. Duket qarte qe i intereson Fieri per qellime pushteti, sa per integrimin nuk i plas fare dhe prej ketij njeriu s'mund te presesh gje tjeter.</p>
Add new comment