Dy opinionistë (kritikë të Berishës) shkruajnë se familjarë e miq u thonë: "Kujdes, se këta të vrasin"

Në dy shkrime të botuara sot në shtypin e ditës gjen njëkohësisht të njëjtën shqetësim të autorëve: u kanë thënë para botimit "mos se Sala të vret". Kjo, sepse në artikuj, në një mënyrë apo në një tjetër, shkruhet për fëmijët e Sali Berishës. Andi Kananaj ka botuar një opinion në numrin e sotëm të së përditshmes DITA me titull Dinastia Xen, një lojë fjalësh që qartësohet në rreshtat e shkrimit, dhe ka të bëjë me Shkëlzen Berishën, të cilin me sa duket shkurt e thërrasin Zen ose Xen.

Shkruan Kananaj: "Sa po ja tregova titullin e shkrimit një kolegu, më tha gjysmë i buzëqeshur se do më vrisnin. Pastaj nuk qeshi më dhe tha se do më vrisnin i qetë duke refuzuar të ma lexonte shkrimin për të mirën time. Klima e terrorit qoftë dhe virtual që shoqëron është në kufijtë e psikozës kolektive. Mësymja e forcës në mendjet e qytetarëve duket se ka mbërritur nivele kritike. Nuk duhet më as që nderin tënd ta mbrosh në gjykatë. Është dordoleci i forcës që i mban të heshtur e të bindur të gjithë...'

I njëjti shqetësim i njëkohshëm, vihet re në një shkrim në TemA të Bledar Manes, i cili e nis me:  
"...E tmerrshme! Sa herë dikujt i them që do nis të shkruaj për Doktorin ose familjarët e tij, pa mbarim vërshojnë këshillat dhe stepja. Kujdes, Sala nuk të fal kur e cenon te familja e tij. E ka të shenjtë, nuk ka njeri tjetër veç tyre. Nuk rreshtin pa përmendur të ndjerin Kosta Trebicka ose viktimat e pafajshme të 21 janarit 2011. -Mos u kruaj me “ata” se të qërojnë nga kjo botë dhe bëhesh për rahmet! Frika furfurit ngado duke nisur nga familjarët e mi e deri poshtë te shitësja e ushqimores së lagjes. Është krijuar një stereotip sa i makthshëm aq edhe qesharak..." (a.n.)
 
Opinioni i Kananaj:
http://gazetadita.al/dinastia-xen/
Opinioni i Mane:
http://www.gazetatema.net/web/2012/11/13/une-dhe-zeni-pa-das...
Në foto:
Andi Kananaj, perfaqesues ligjor i familjareve te viktimave te Gerdecit duke hyre ne Gjykaten e Larte (LSA)