4 zonat e nxehta ku do të përcaktohet maxhoranca më 2013

Në një analizë për Shqip, Ylli Pata analizon 4 qarqet “e nxehta” siç i quan ai, ku arrihen numrat për qeverinë e re pas zgjedhjeve të 2013. Ai përkufizon si zona stabël Beratin (PS:4 PD:3 LSI:1), Dibrën (PS:2 PD:4), Durrësin (PS:5 PD:7 LSI:1) Gjirokastrën (PS:3 PD:2), Kukësin (PS:1 PD:3), Lezhën (PS:3 PD:4), Shkodrën (PS:4 PD:7), Vlorën (PS:7 PD:5). Katër qarqet ku do të luhet loja e që në versionin amerikan mund të quhen si ‘swing regions’ janë Tirana, Fieri, Elbasani, dhe Korça.

Në këtë kuadër, lufta e ashpërsuar për Qarkun  e Fierit është e qartë: PD do të pengojë që opozita të avancojë në kuotën e 9 deputetëve në një bastion të vetin. Në Elbasan palët janë 7-7 me numër deputetësh dhe aty koalicioni i PS mori më shumë vota në zgjedhjet e fundit. Në Elbasan si edhe në Korçë një deputet do të japë diferencën. Edhe aty ka barazi në deputetë, ndërsa koalicioni i PS kishte 1000 vota më shumë.

Tirana është beteja kryesore pasi këtu do të luajnë fort dhe AK e Kreshnik Spahiut dhe FRD e Topit. PS pati një hendek sidomos prej Kamzës ku diferenca ishteme 6500 vota më 2009, diferencë kjo e shkurtuar në 2000 gjatë lokaleve. Dalja e Ramës nëpër fshatra synon pikërisht të kthejë votat e fshatit drejt koalicionit të vet, sqaron Pata. Ne.Su.