Vdes 'Emmanuella' Sylvia Kristel

Ka vdekur në Paris, për shkak të një tumori nga i cili ishte prekur prej vitesh, Sylvia Kristel, aktorja e filmit të famshëm 'Emmanuelle' që ka ndikuar ndjesitë erotike të një brezi të tërë, me gjasa edhe në Shqipëri.

E lindur në Utrecht të Hollandës, Sylvia Kristel sapo kishte mbushur 60 vjec. "Ka vdekur gjatë natës në gjumë" - ka deklaruar në France Presse, menaxheri i saj Marieke Verharen.

Në fillim të korrikut këtë vit, aktorja ishte goditur nga një ishemi cerebrale dhe kurohej në Amsterdam. Kristel u bë e famshme me rolin e Emanuelës në filmin 'Emmanuelle' (1974) bazuar në romancën me të njëjtin titull të Emmanuelle Arsan. Filmi prodhoi fillimisht skandal, por më pas u bë pikënisja e një serie të gjatë sequel-ësh, si Emmanuelle l'antivergine (1975), Goodbye Emmanuelle (1977), Emmanuelle 4, etj (ANSA)