Kryeministri flet për 'vegim e mister' në 68-vjetorin e lindjes. (plus një mungesë e çuditshme në jetëshkrimin e tij zyrtar)

Kryeministri Sali Berisha ka mbushur sot 68 vjeç. Deputetët e Partisë Demokratike në një mbledhje të sotme të grupit të tyre parlamentar e kanë uruar në këtë përvjetor dhe ai u është përgjigjur në një mënyrë disi të çuditshme.

Sipas agjensisë së lajmeve BalkanWeb, fjalët e kryeministrit 68 vjeçar të Shqipërisë sot para deputetëve të tij janë këto:  “Sado gjithçka është në dritë, prapë në një vegim vjen dhe misteri, del dhe misteri. Unë do t'u rrëfej ju, se momentin e misterit u pyeta, të shpreh 3 dëshira. 2 i pata në gojë, cfarë kërkova unë? 2 gjysma të tjera të viteve dhe mandateve. E treta, më pyeti? I thashë, ma lejo për vitin tjetër dhe u pranua”.

Sipas jetëshkrimit të tij në faqen zyrtare të Këshillit të Ministrave Berisha është lindur në 15 tetor 1944. Në këtë jetëshkrim zyrtar bie në sy diçka: Berisha nuk e shkruan vendlindjen. Të gjithë jetëshkrimet zyrtare, nga Presidenti e deri te ministra e zyrtarë të tjerë, kanë menjëherë pas datës së lindjes, vendin e lindjes dhe kjo është normale. Por në jetëshkrimin zyrtar të Berishës, kjo e dhënë mungon dhe jetëshkrimi "kalon" menjëherë nga datëlindja, te diplomimi. I vjen turp kryeministrit për fshatin ku ka lindur? Apo  mungesë vëmendje në një dokument zyrtar kaq përfaqësues e të  rëndësishëm? (A.N.)

Jetëshkrimi i Sali Berishës sipas Këshillit të Ministrave: http://www.km.gov.al/?fq=brenda&r=&gj=gj2&kid=17

Foto LSA: K/Ministri dhe bashkeshortja Liri Berisha në ambjentet e kryeministrisë me mbesat (Urimin e parë e mora nga mbesa Sara - u tha ai sot deputetëve, sipas BW)