Lokja e Parlamentit, - i thotë Majko. Topalli e fut te fyerjet krahinore, flet për "Veri" dhe "krenari"

Majko: Qeveria e kryeministrit u çon ministrin e Shëndetësisë për t'u thënë se do shëroheni, po nuk i çon as të Drejtësisë dhe as së Financave dhe ç’është me e keqja i nxjerr në konferencë shtypi për t'u thënë që dhe kaq sa i keni marrë shumë e keni...
(i ndërpritet fjala nga Topalli dhe mes saj dhe Majkos nis një debat i ashpër jashtë mikrofonave, më pas ridëgjohet Majko)
Majko: Lokja e parlamentit mbyll gojën
Topalli: Ty të të vijë trup, po kjo është edukata jote. Nëse ty zotëri qenia ime nga Shkodra të duket dhe e përcakton ashtu siç pret ta them ty dhe gjithë të tjerëve. Unë jam nga Shkodra, jam nga veriu dhe jam krenare që jam nga Shkodra, dhe jam krenare që jam shqiptare dhe jam krenare... nga Shkodra. Nuk ka të sosur urrejtja juaj zoti ish-kryeministër për ata të cilët ti ke dalë sot për të bërë hipokrizinë e ditës dhe të radhës. Kërko të falur. Kërko të falur. Nuk i thua shqiptarëve që sot është një ditë e bukur...
Majko: I majtë dhe i djathtë e di se në ç'kushte kam qeverisur unë kur kam qenë kryeministër... Nuk ka pasur luftë në kufij.. Besoj mendjet e ftohta e dinë. Ajo që unë dola këtu të them është e thjeshtë: uluni negocioni, uluni negocioni se ata po ju presin. Është grevë e një shtrese që ju ka mbajtur mbi supe.. Po sot Shqipëria nuk qeveriset nga të përndjekurit po nga Titot dhe bashkëpunëtorët e sigurimit të shtetit, ky është fakti...

Replikat e mësipërme janë këmbyer sot në fillim të seancës plenare në Kuvend, mes deputetit socialist Pandeli Majko dhe kryetares së Parlamentit Jozefina Topalli. (A.N.)