2-2 'El Clásico' nr. 222. Edhe heronjtë janë 2… Por ka edhe 'numra' të tjerë: Politika hyn në Camp Nou në 17:14
Clásico vibrante y politizado - është titulli i madh i edicionit online në të përditshmen spanjolle El Pais këtë mbëmje. Dy dygolësha, dy emra në një 'El Clásico' që për çudi ka gjithashtu 3 dysha (ishte ndeshja nr 222 ndërmjet Barcelonës dhe Realit të Madridit.. Dy skuadrat që e mbërthyen edhe sonte botën pas ekranit kanë ndarë nga një pikë në Camp Nou, por në stadium ka hyrë… politika.
Shkruan 'El Pais': "Gritos de "independencia" en el Camp Nou en el minuto 17:14 para recordar la fecha emblemática del nacionalismo" (thirrje për pavarësi në Camp Nou në minutën 17:14 të ndeshjes në kujtim të datës emblematike të nacionalizmit). Në stadium është thirrur në kor "pavarësi" kur akrepat e orës së ndeshjes shënonin 17 minuta e 14 sekonda. Pse pikërisht në atë minutë dhe në ato sekonda? Shpjegimi lidhet me vitin 1714, viti i rënies së Barcelonës pas 14 muajsh rrethim (11 shtator) në luftën mes katalonëve të mbështetur nga dinastia e Habsburgëve me trupat burbone të mbretit Filip V të Spanjës. Janë data që përdoren përherë e më shpesh me rritjen e retorikës separatiste në Katalonjë. Ngjarja u paralajmërua para ndeshjes dhe ka provokuar edhe editoriale që në minutat e para pas ndeshjes. 'Fútbol es fútbol' – shkruan 'El Pais', për të thënë që futbolli duhet të mbetet i tillë dhe shton: "Autoritetet përgjegjëse duhet të sigurojnë që ndeshjet Barcelona-Real Madrid të mos manipulohen politikisht"
Sa për pjesën tjetër të ndeshjes, kronika është krejt sportive: Barça u hodh në sulm me të çara të mëdha në mbrojtje pas dëmtimit të Pujol, Pike dhe Alves. Kurse madrilenët u treguan seriozë dhe këmbëngulës, por patën dobësi në çastet kur duhet të kontrollonin argjentinasin e papërmbajtshëm Leo Mesi. - (A.N.)
Editoriali i El Pais: http://elpais.com/elpais/2012/10/06/opinion/1349545034_96937...
Kuptimi i 1714-s për katalonjasit: http://en.wikipedia.org/wiki/National_Day_of_Catalonia
Foto AFP: Mesi e Ronaldo gjatë ndeshjes
Comments
Ca goli ka bere Messi ne
<p>Ca goli ka bere Messi ne gjajtje nga 25 metra .....Kryegol</p><p> </p><p>Reali loste taktikisht shume me mire ne fillim nderkaq qe Barca kishte defekt ne mbrojtje se mbronte me pak njerez dhe jo reshtuar aq mire__Ndoshta edhe nga qe kishte mungesa</p><p> __Por Barcelona kishin kete qe jane virtuoze me topin ata dreq __Ajo qe me pelqeu tek Barca ishte se ata kur ishin perballe 16 metershit jepnin pasa tek njeri tjetrin dhe nuk e gjuanin topin nqs nuk ishin mire perballe portes, dukej sikur loznin basketboll ne minuten e fundit --dhe ne te njejten kohe nuk e mbanin topin por ja pasonin njeri tjetrit me shume elegance , dhe kjo menyre pasimi krijonte hapesira midis mbrojtjes madrilene se ata benin pasa te shkurtera dhe te shpejta, befasuese</p>
Ronaldo mu duk me ne
<p>Ronaldo mu duk me ne forme.</p><p>Ka edhe nje arsye shtese ;-)</p>
Add new comment