Në gjithë takimet me fëmijët nuk do ketë asnjë temë tjetër, - thotë K/Ministri i Shqipërisë

Kryeministri i Republikës ka dalë sot pasdite në një multi-konferencë për shtyp, ku ka bërë të ditur veç të tjerave se nuk ka ndërmend të heqë dorë nga fjalimet anti-opozitë përpara fëmijëve të shkollave.

Tha k/ministri: “…Tani diskutimi me fëmijët, me të rinjtë, është nga më interesantët, më inspiruesit në jetën time…. Unë kam zgjedhur të diskutoj me ta për ëndrrën e tyre, se po të kthehemi tek ëndrra, më të pastra i kanë ata. Shkova sot në klasë, kishte hapur kompjuterin nxënësja, e urova, ishte tema që kishte përzgjedhur. Çfarë më tha mua nxënësja: kur i shohim tek ikin nga komisioni, mendojmë sikur shokët tanë të ikin nga klasa. Shiko çfarë përshtypje u krijon nxënësve kjo. Ajo është votë për ëndrrën e tyre evropiane. Unë nuk mund të diskutoj asnjë gjë tjetër. Sot gjeta mësuesit duke shpjeguar ADN-në. Unë nuk mund t’u flas atyre për fizikë, as për biologji, por për ëndrrën e tyre evropiane. Në gjithë takimet me fëmijët nuk do ketë asnjë temë tjetër…” etj - A.N.