Shënim: Arturi, i biri i Petro Zhejit, në mbrojtje të Imamit

Në editorialin e gazetës që drejton (Mapo), Artur Zheji ka bërë sot një mbrojtje personale të Arben Imamit, që ndoshta nuk do ta pëlqente i ati i tij, Petro Zheji, intelektuali antikonformist par excellence.
Opozita e ka akuzuar Imamin për armatim të Shërbimit Inforativ Ushtarak në kundërshtim me ligjin, ndërsa Zheji i ri i përgjigjet: “[Imami akuzohet] për një armatosje të paligjshme të Forcave të Armatosura (?), për shembull! Sepse edhe Shërbimet Sekrete të Ushtrisë Shqiptare, janë, duam s’duam, pjesë e Forcave të Armatosura. Të cilat nuk duhet dhe nuk mund të bredhin të çarmatosura.”
Hane Shan, hane Bagdat, mund të thuhet në këtë rast në gjuhën popullore (Nuk dihet se ç’mund të thoshte Zheji i vjetër…)
Por Zheji i ri, sidoqoftë, nuk i ka shkuar deri në fund konformizmit – në fund të artikullit e ka nxjerrë pjesërisht kokën gjeni i trashëguar antikonformist. Shkruan ai: “Ed Rama, pash Zotin, merru me ministrat dhe idiotet e shumta me poste të larta, që nuk dinë se ku shurrohet në tualetet që gjinden në suitat e hoteleve me pesë yje! Ka kaq shumë të tillë dhe të tilla që veç shtohen, ka kaq shumë hajna ordinerë ngado, saqë Imami, me 24 karat kulturë dhe dije, duket tepër filozof për detyrën e zymtë të ministrit të Mbrojtjes.”
E.Zaloshnja
I plote artikulli i Zhejit te ri: http://www.mapo.al/2012/09/29/sulmi-i-pakuptueshem-ndaj-arbe...