PD na garanton votat, ndaj ikim nga PS - thotë Ndoka, i përfolur se do jetë zv.ministri i ri i rendit (nr.38)

“Lidershipi i PS dhe i opozitës nuk ka vizion të qartë e strategji për ndërtimin e koalicionit opozitar.” ka thënë kreu demokristian Ndoka, në përpjekje për të argumentuar lëvizjen e tij nga opozita drejt pushtetit, vetëm pak muaj para zgjedhjeve. Ai ka thënë për shqiptarja.com se “Lidershipi i PS më shumë ndërton koalicion kulisash dhe të fshehtë sesa një alternativë për qytetarët shqiptarë në qeverisje”.

“Berisha është shumë konkret e i trajton aleatët si partnerë të barabartë” ka thënë Ndoka (i cili është përfolur se do të jetë zv.ministër i Brendshëm) duke shtuar se “hapësira në PD është krejt ndryshe nga ajo në PS, dhe në këto kushte u ra dakort me partinë më të madhe qeverisëse për një marrëveshje para e pas-zgjedhore” nuk sqaroi se çfarë janë këto ‘hapësira’. Ai ka thënë për Panoramën se “nga futja në koalicion me PD-në garantohet vota e demokristianëve shqiptarë dhe përfaqësimi i tyre legjitim në Parlament”

Rikthimi i Ndokës është komentuar nga Nikoll Lesi për gazetën Panorama “se kjo është një lëvizje normale pas akuzave të ashpra mes Ndokës dhe Sali Berishës.” (!)

Rritja e koalicionit të PD reflektohet edhe në numrin e zëvendësministrave të qeverisë që ka shkuar në 37, sipas gazetës “Sot”.

K. Cukali