Skandali: Thasë me pará, edhe në arkat e gazetave RD, 55, Koha Jonë
Me reklamat qeveritare po denoncohet një skandal kolosal. Janë dhjetra e qindra mijra dollarë që ministri të ndryshme ua kanë faturuar gazetave e televizioneve afër qeverisë si pagesa për spote. Veç akuzave të zakonshme politike, nuk ka asnjë përgënjeshtrim real për deklaratat e përditshme të deputetit Shalsi. Ja një pjesë e denoncimit të tij të sotëm: “...Në Ministrinë e Punës e cila është ministria që ka një zyrë që nuk ka punësuar ende asnjë të papunë deri më sot ¼ u buxhetit mediatik e merr Promo e Klanit. Ndërkohë që ajo që është edhe më dramatike në të gjithë këtë histori është se siç e tregojnë këto letra Gazeta “Rilindja Demokratike” ka marrë 500 mijë dollarë nga Drejtoria e Rrugëve në Ministrinë e Transportit. Pra, vetëm nga një ministri gazeta “Rilindja Demokratike” në fakt duhej quajtur Rrënimi Demokratik ka marrë plot 500 mijë dollarë. 100 mijë dollarë shkojnë për Gazetën 55. 200 mijë dollarë për Gazetën Koha Jonë. Nëse do të pyesni ku i keni gjetur këto të dhëna, janë pikërisht në letrën që Sokol Olldashi i dërgon kolegut tim Braçe në datën 29 maj të këtij viti. Ky dokument përmban brenda të dhënat që tregojnë, më lejoni ta ritheksoj edhe njëherë 500 mijë dollarë për Gazetën Rilindja Demokratike, 200 mijë dollarë për gazetën Koha Jonë dhe 100 mijë dollarë për Gazetën 55. Kjo, pra, është shpërndarja e parave publike në tregun mediatik shqiptar. Mjafton të shikosh se si shpërndahen paratë publike për të kuptuar që këta njerëz nuk kanë asnjë kriter, asnjë normë, nuk kanë asnjë limit. Janë sa të papërgjegjshëm aq edhe të paimagjinueshëm. Dhe arsyeja se pse e bëjnë këtë gjë është pikërisht për të dezinformuar publikun dhe për të kontrolluar mediat. Për të ngopur ato që i shërbejnë pushtetit dhe për të shkatërruar ata që kritikojnë pushtetin..."
Re.Pu.
Comments
E bukur kjo! "Shpenzimi
<p>E bukur kjo! "Shpenzimi demokratik".</p>
Nese para kane marre vetem
<p> </p><p>Nese para kane marre vetem keto gazeta eshte vertet skandal por nese publikut i jepen vetem shumat qe kane marre 3 gazeta dhe nuk permenden ato qe kane marre gazetat e tjera atehere eshte thjesht nje flluske sapuni</p>
Mos i bjeni ne qafe Fahriut
<p>Mos i bjeni ne qafe Fahriut se eshte i PERNDERSHEM!</p><p> </p>
financimi i gazetës RD me
<p>financimi i gazetës RD me paret e buxhetit është një tanxhente e qartë e qeverisë për Partinë Demokratike. Unë e njoh pak a shumë strukturën e asaj gazete dhe shpenzimet e sa. Nuk i kap kurrë 100 mijë dollarë shpenzime në vit, edhe sikur kryeredaktori dhe 4-5 gazetarët t’i kenë dyfishuar rrogat. Pra, me një pagesë të tillë Olldashi e ka financuar RD për gati 5 vjet. Por problemi nuk është se janë paguar ata pak stenografë të telefonave të Berishës aty. Problemi juridik qëndron tek fakti se qeveria ka gjetur një mënyrë të financojë partinë e saj me pare të buxhetit dhe për një tanxhente të tillë Olldashi, tani që nuk ka as imunitet, duhet të hetohet dhe të japë dorëheqje. Ky është rasti më klasik dhe më flagrant ku një qeveri heq lekët nga buxheti dhe ia çon pa iu dridhur dora partisë së saj. Helmut Kol, kolosi që bashkoi Gjermaninë dhe rrëzoi Murin e Berlinit duke i dhënë shpresa gjithë Lindjes, iku nga politika për më pak se kaq lek, vetëm se dikush ia dha partisë së tij pasi kishte fituar disa tenderë nga buxheti i Gjermanisë. Në rastin konkret, gjesti është më i pafytyrë. Vetë ministri, pa tender, pa konkurrim, i ka prokuruar partisë së tij 500 mijë dollarë për propagandë. Me ato 500 mijë dollarë janë sulmuar liderët e opozitës, gazetarët kritikë me pushtetin, janë bërë fushata elektorale dhe është konkurruar në mënyrë të pabarabartë në një garë elektorale. Në asnjë rast në gjithë historinë e tanxhentopolit në Itali nuk ka një rast kaq të pastër përdorimi të pareve të shtetit për buxhetin e një partie.<br /> </p>
Ne nje koment qe postova
<p>Ne nje koment qe postova pak me pare tek gazeta tema dhe e cila nuk e botoj ashtu sic nuk ka botuar edhe komentet e tjera te miat kam komentuar rreth ketij shkrimi pra per financime te ketyre gazetave nga ana e qeverise.Kjo per mendimin tim eshte nje gje shume e keqe sepse asnje nuk duhet te mbaje ne kembe nje biznes privat me parate e taksapaguesve. Ne qoftese kjo eshte e jashteligjshme dhe besoj keshtu duhet te jete ne qoftese eshte e vertete atehere kjo ceshtje duhet ti kalonje prokurorise per hetime dhe personat pergjegjes duhet te japin llogari.Por ajo qe me ben pershtypje eshte fakti qe tregon se si ne vendin tone mediat e shkruara mbahen ne kembe.Shume nga redaktoret e gazetave dhe pronaret e tyre kane deklaruar shume here se ato dalin me humbje. Atehere si keto gazeta mbahen ne kembe. Po te besh nje analize te holle e kupton fare mire se pjesa me e madhe e gazetave qe dalin ne treg dalin me humbje dhe pronaret e ketyre gazetave kane nga nje biznes tjeter nga mbas qe i financijne. Atehere lind pyetja pse i duhet tregut mediatik nje gazete e cila del me humbje. Si cdo bisnes privat atehere shteti ne qoftese vertet ekziston duhet ti mbylle duke shpallur falimentin.Ne vendin tone si ne asnje vend tjeter ka nje mori te madhe gazetash.Cdokujt i lind e drejta te mendoje se deri sa keto gazeta dalin me humbje atehere pse ekzistojne?Sipas meje ne debatin qe eshte hapur per dhenie parash atyre tre gazetave te siperpermendura qellimi i vertete eshte jo pse ju dha atyre por pse sna dhane edhe neve.Kjo eshte nje lufte brenda llojit dhe besoj se nuk ka asnje interes pervec atij se ku cohen parate e taksapaguesve. Per mua eshte njelloj nese i merr RD e Koha Jone apo ndonje gazete tjeter. Mua me intereson qe mos te mbahen me taksat e mia nje gazete e cila eshte subjekt privat dhe qe eshte me humbje.Nuk jam kunder medias por shoh qe shume media perdoren si mjete presioni ndaj te gjitheve atyre qe u dalin kunder pronareve qe i posedojne.Mediat jane kthyer ne vampire ashtu si dhe shkollat e universitetet private sepse nuk u interesojne fjala e lire per te cilen ato betohen por interesat e pronareve te tyre.Debatet dhe shkrimet qe behen kundra njerit ose tjetrit sipas meje e kane nje qellim dhe ky qellim eshte paraja.Pronaret e gazetave bejne presione me ane te tyre per te perfituar tendera e te tjera perfitime pra me pak fjale jane kthyer ne gjobvenes. Atyre u duhen keto gazeta sepse me ane te tyre mbrojne bizneset e tyre.Te gjithe e kemi pare se kur cenohet nje media te gjithe gazetaret hidhen perpjete jo se i plasi per ate media por sepse ruajne interesat e tyre. Tek ne gazetat jane rumpalle dhe si te tilla do te mbeten derisa ato do te bejne detyren e tyre te shenjte e cila eshte fjala e lire. </p>
Gazeta Tema po perballet
Gazeta Tema po perballet me egersine e qeverise per shkak te kritikave kunder saj.Ndihmojeni gazeten Tema . Bashke jemi me te forte. O Mero ti po ben bamiresi apo tanxhent.Kete koment si dhe nje tjeter qe nisa pak me pare gazeta Tema nuk e botoj.Midis te tjerave ne komentin e meparshem tek gazeta Tema i beja pyetje z. Mera se ku ai i gjen financimet qe mban gazeten e tij dhe ti bej ato transparente.Mos valle i ben me donacionet qe i japin njerezit. Ketu une i bej thirje te gjithe botuesve te mediave te shkruara qe kete transparenc ta bejne te gjith.Boll me me thashetheme dhe me intriga. Gazetat jane bere te informojne njerezit per ato qe jane reale dhe jo per ti bere trurin llalle me budalleqet qe shkruajne disa te ashtuquajtur gazetare. Gazetaret nuk kane detyre te shkruajne ato gjera qe thote njeri apo tjetri por te beje gazetari investigative kur behet llaf per korrupsion vrasje lidhje me grupe kriminale dhe ti denoncoje ato ne prokurori. Vetem keshtu gazetaret dhe gazetat do te behen me te besueshme sepse kur ti si media kerkon transparence nga organet qeveritare dhe ndaj gjithkujt tjeter qe vepron gabim ateher se pari duhet te jeni vete transparent.Ne fund dua tju falenderoj ju per botimin e komenteve te mia.
Add new comment