Imami i dëbuar flet mbi filmin “Pafajësia e Myslimanëve”. Dhe ja çfarë u sugjeron myslimanëve shqiptarë si formë reagimi

Imami Lulzim Plloçi, në ngarkim të të cilit u ngrit një padi prej komunitetit mysliman dhe të cilit pas kësaj iu ndalua frekuentimi i xhamisë së Medresesë në Tiranë, e ka fituar gjyqin. Më saktë, është pushuar padia ndaj tij. Dhe ribëhet aktiv, duke hedhur poshtë më së pari akuzat që i janë bërë si radikal e ekstremist. “Nuk jam i tillë”, thotë ai. Dhe si për t’na bindur se kjo është e vërtetë, në  një  intervistë  botuar sot në  të  pë rditshmen "Shekulli" ai jep një opinion të balancuar lidhur me ngjarjet në Libi, pas shfaqjes së filmit provokativ “Pafajësia e myslimanëve”.
Pyetjes së  gazetarit: "Në Shqipëri nuk ka reagim, përveç një deklarate nga myftiu i Shkodrës. Ju çfarë qëndrimi mbani?"- Plloçi i përgjigjet: "...Do të doja që një reagim i tille të vinte më parë nga vetë institucioni që i përfaqëson besimtarët myslimanë shqiptarë, Komunitetit Mysliman Shqiptar. Jam kundër prodhimit, shfaqjes apo promovimit të këtij filmi, jo vetëm për faktin se ai ka të bëjë me ofendimin apo deformimin e figurës së profetit Muhamed, por me vetë frymën që ai përcjell, dhe me shkeljen e personalitetit dhe shpifjeve ndaj individit, të dënuara këto me ligje dhe Konventa Ndërkombëtare. Sigurisht që jam kundër përdorjes së çdo forme të dhunës si mënyrë reagimi ndaj këtij filmi dhe  - (këtu vjen një sugjerim interesant që përmbledh mënyrën si ai vetë do reagonte) - gjej rastin t’u sugjeroj të gjithë besimtarëve dhe qytetarëve shqiptarë, jo vetëm që të lexojmë, të mësojmë më tepër rreth figurës së profetit Muhamed, por edhe të informojmë të tjerët si forma më e mirë e reagimit”. - Re.Pu.

Intervista:
http://shekulli.com.al/web/p.php?id=4374&kat=100
Më  shumë:
http://gazeta-shqip.com/lajme/2012/05/25/gjykata-ndalon-imam...