Bota arabe në flakë: digjet çdo gjë perëndimore, edhe posterat e Papës Benedikti XVI në Liban

Edhe nata që kaloi ka qenë një natë plot zjarre në botën myslimane për shkak të një filmi për Profetin Muhamet. Protestuesit e egërsuar kanë sulmuar ambasadat perëndimore duke  e kthyer filmin në një ‘luftë’ mes civilizimeve. Në  Khartoum të Sudanit janë sulmuar edhe ambasadat gjermane e britanike, së bashku me misionin amerikan, madje protestuesit kanë shpërthyer edhe brenda ambasadës gjermane ku kanë ngritur flamurin e zi të shahadës duke flakur atë gjerman, flamur që përdoret nga pjesa e islamistëve konsevatorë e që mbart simbolin e besimit. Në Liban së paku një demonstrues u qëllua për vdekje nga ushtarët që kërkonin të parandalonin protestat e dhunshme duke përdorur plumba të vërtetë. Në qytetet libaneze u hodhën parulla deri edhe kundër Papës Benedikti XVI. Edhe në Tunizi, mbrëmë protestuesit arritën të thyejnë nivelin e sigurisë së ambasadës amerikane, sikurse edhe në kryeqytetin e Jemenit.

Filmi i bërë në Kaliforni (disa thonë nga një egjiptian) i ka ndezur keq gjakrat, por, pavarësisht ndjenjave ekzistuese anti-perëndimore, nuk është fort e qartë se pse mijëra sudanezë iu sulën objekteve europiane teksa shkatërruan dhe ambasadën gjermane. Protestat u ndezën sidomos pas të premtes së faljes.

Emocionet fetare janë në kreshtën e tyre, pavarësisht se shumë nga protestuesit anti-perëndimorë ka gjasa të mos e kenë parë vetë filmin por ta kenë thjesht me “të dëgjuar”. Në këtë film thuhet që portretizohet Profeti Muhamet si feminist.

“Liri shpreheje? Atë mbajeni për vete” citohet një protestues në Egjipt.

k.c.