Bamir Topi mos të flasë si miza në qyp - thotë Rama dhe kërkon "qartësi" nga ai dhe nga Kreshnik Spahiu

Edi Rama ka qenë sonte në emisionin Tonight me Ilva Taren në Ora News. Duke folur për fushatën zgjedhore dhe aktorët e rinj të saj, Rama tha për Topin: “...Bamir Topi mos të flasë si miza në qyp. Partia e tij ështe e djathtë dhe duhet të ndajë mendjen nëse Bamiri dhe partia e tij do të marin vota të pakënaqurve të Saliut dhe të shkoj me të apo një alternative kundër qeverisë dhe opozitës. Kur dikush bertet kunder qeverise dhe opozites ne fund kthehet paterica e qeverise. Unë kam marrëdhënie miqësore me Bamir Topin, por duhet ta bëjë të qartë çka do të bëjë partia e tij si një parti e djathtë...” Kurse për Aleancën Kuq e Zi të Kreshik Spahiut, Rama u shpreh: “...Duhet të ndaj qartë pozicionin. Nuk e kuptoj dot të jesh në opozitë me Saliun dhe me opozitën. Në vitin e ardhshem është e qartë ose rrenim i mëtejshem, apo rizgjim i qartë...”.

Ja disa pyetje-përgjigje të tjera nga intervista:

-Tare: Ka edhe njerëz që flasin për një koalicion PS dhe PD…

Rama: Këto janë kafenetë e informuara që e prodhojnë vetë dhe e komentojnë padyshim.

-Tare: Koalicion PS me PD?

Rama: Përse do të duhet të ndodhë?!

-Tare: Nëse s’ka asnjëri vota?

Rama: Pse kush duhet t’i ketë votat?!

-Tare: A është faktor Nano ?

Rama: Unë preferoj që të mos t’i përgjigjem kësaj pyetje.

-Tare: Sepse nuk e dini nëse është faktor?

Rama: Preferoj të mos t’i përgjigjem se do flas për një lëvizje që nuk është.

-Tare: A ka vota Nano?

Rama: Janë llogari që ju takon juve, unë bëj vetëm llogaritë për PS-në

-Tare: Nëse humb, do jeni në krye të PS-së?

Rama: Zgjedhjet e ardhshme PS do t’i fitojë. - A.N