The Economist: Integrimi pa europianizim është i rrezikshëm; ja, shihni Greqinë si është katandisur

Në një shkrim të së përjavshmes The Economist, të shkruar sipas shumë gjasash nga reporteri e analisti për Ballkanin Tim Judah (shkrimet e kësaj reviste nuk nënshkruhen nga autorët), flitet për perspektivën e integrimit në BE të vendeve të Ballkanit Perëndimor, dhe vetë perspektivën e BE-së në dritën e krizës që po vijon. Bien në sy dy nënvizime në këtë artikull (mund ta gjeni të plotë e të përkthyer në linkun: http://www.gazetatema.net/web/2012/09/10/the-economist-pritet-nje-progres-raport-i-ashper-gjermania-ka-nisur-te-kontrolloje-vete-faktet/):

1. Në Ballkan, evropianizimi ishte premtimi për modernizim, pasurim dhe mirëqenie. Por drama greke ka bërë që ky imazh të marrë një goditje të rëndë. Greqia ka qenë një vend model për rajonin, i ngritur nga varfëria në pasuri, nga prapambetja në prosperitet. Tani Greqia është një paralajmërim për rreziqet e evropianizimit pa transformim të thellë”.
2. Ndërsa në progres-raportet e viteve të kaluara janë përdorur standarde të arta nga Komisioni Europian, kësaj here disa vende, përfshi Gjermaninë, kanë nisur të bëjnë kontrollet e tyre. Ata kanë dyshime në lidhje me raportet e përgatitura nga Drejtoria e Përgjithshme për Zgjerimin, për shkak se ata besojnë se ajo nuk është neutrale në procesin e zgjerimit, pasi ka interesa që këto vende të qëndrojnë në rrugën e integrimit, përndryshe nuk do kenë asgjë për të bërë.

Të dy këto rreziqe, dmth “1. Inkurajimi i integrimit në BE pa europianizim, dhe 2. Hartimi i progres-raporteve ledhatuese në rrethanat e ekzistencës së një regjimi”, mund të ilustrohen me rastin shqiptar.

M.N.