Ç’po ndodh brenda (dhe jashtë) oborrit të Presidencës?!

Gazeta TemA ka botuar në sajtin online disa foto të shkrepura sot në oborrin e Presidencës pranë Bulevardit “Dëshmorët e Kombit” në Tiranë. Pasi ironizohet Nishani (“shumë mendonin se do ta niste me vendosje ashensori, por e ka nisur me prerje të të gjithë pemëve në oborr të Presidencës”, - shkruan e përditshmja e Bazes), në artikull shkruhet:
“Sot paradite punonjës të Gardës me motorsharra, kanë nisur prerjen e drurëve në oborrin e Presidencës. Gazeta Tema tentoi të pyeste dikë prej tyre dhe jo vetëm që nuk mori përgjigjie, por vuri në lëvizje një skuadër gardistësh të zbonin gazetarin që fotografoi...”.
Nuk ka asnjë reagim nga Presidenca dhe nuk pritet të ketë të tillë. Në gjithë vendin ka ndërkohë vatra zjarri po bëjnë hi hektarë të tërë me pyje. Në Priskë në periferi të Tiranës, vatra e disa ditëve më parë është riaktivizuar sërish sot sipas Balkanweb, që raporton zjarre edhe në Lezhë, në Rrëshen, në Tepelenë, në Kukës, në Gramsh etj

Në foto: Një kamion i ngarkuar me trungje të prerë shihet përmes kangjellave që rrethojnë oborrin e Presidencës