Veni a xan...

Besart Kallaku, aktori i njohur i humorit, të cilin publiku e njeh më së shumti si “Gjini i Portokallisë”
është edhe këngëtar. Por video-klipet e tij kanë një të veçantë: teksti dhe fabula rrotullohen përherë tek “katunarizmi” si kulturë sjellje që sipas asaj që Besarti thotë në një intervistë në të përditshmen “Shekulli” duhet të ironizohet dhe të përmirësohet nëpërmjet humorit.
Interesant është që në këto klipe ku shënjestrohet katunarizmi, nuk mungon kurrë në një mënyrë apo në një tjetër Berisha. Në klipin e fundit “Eminemi i Katunarëve”, Kallaku del me një kanotiere ku është stampuar portreti i Berishës, në një klip tjetër me të njëjtën temë ai pozon para Kryeministrisë me një tabelë në dorë (në foto), ku është shkruar “Veni a xan”
I pyetur nëse ka reagime negative për tekstet e tij (një prej tyre po e botojmë në fund të shënimit) Besarti thotë se nuk ka pse të ketë sepse “unë jam vetë një prej tyre, katunarëve”: “Unë vij vetë po nga kjo klasë shoqërore. Ndryshe s’kam sesi t’i njoh, të di se ç’ndodh. Te klipi “Katunari gangsta” përshembull janë të gjithë bashkëfshatarë të mitë... S’ka pse ta marë kush si fyerje. Unë besoj se ka shumë gjëra të tjera nga çfarë duhet të ndihen keq shqiptarët sot. Nga pasiguria që na rrethon përshembull, jo nga një këngë apo tekst i Besit...”
Dhe pak më tutje kur pyetet “tek të dyja klipet e këngëve të tua mbi katunarizmin nuk mungon tek asnjëra figura e Berishës; si artist, sheh ndonjë lidhje mes kësaj figure dhe kulturës që ti ironizon?” – ai rikthehet në “teshat e Gjinit” dhe përgjigjet (duke e quajtur Berishën, ‘Birisha’ dhe idhull të të gjithë katunarëve)
“Birisha? Birisha është idhulli i t’gjithë neve ... jo më i Gjinit”. (A.N)

Pjesë nga kënga
“Eminem’i katunarve”.

Ene i gjë ti thu’
se ‘osht Tiron e t’parve’?!
Tirona osht e jona,
e ne katunarve

Ec se na hoqët trunin,
shikoni tash ç’kam un’
Se unë e ngula hunin
tash “toka osht e xanun”

Unë jam grabitqar,
e qis automatikun,
Vërte’ jam i pashkollë
po kam mar’Juridikun.

Megjithëse s’kena pare,
e n’shpi pikon çatia
E vetmja gjo që kena
osht Demokracia

Tirona metrapol,
Tirona do shpërthej’
Un’ do ta lidh gamorin
Te Sheshi Skënderbej

Refreni
Unë jom, ej, i pari,
jom i par’ i t’parve
Unë jom Eminemi
i t'gjithë katunarve

Kjo është real story,
kjo nuk është teatër
është legjendë urbane
kat’nari mother fucker...