Arbën Xhaferi nuk jeton më

UPDATE: Press Zhurnal me qendër në Shkup njoftoi sot pasdreke se “kryetari i nderit i Partisë Demokratike Shqiptare (PDSH) ka ndërruar jetë si pasojë e hemorragjisë cerebrale. Mjeku Sllobodan Damjanoski ka konfirmuar lajmin. “I ndërmorëm të gjitha masat e nevojshme për shërim, por për fat të keq ndodhi më e keqja”, ka thënë Damjanoski”.

“Klinika Neurokirurgjikale e Shkupit, ku ishte dërguar para 7 ditësh pas një hemorragjie cerebrale që pësoi në banesën e tij në Tetovë deklaron se z. Xhaferi ndërroi jetë sot në ora 15:50 minuta” – shkruan Europa e Lirë.

Reagimet e para në Tiranë kanë ardhur, siç pritej, prej politikës. "Një shqiptar jotipik që tha të vërteta të mëdha" e quan Xhaferin, lideri i opozitës Rama. "Bota e mendimit dhe elita politike e kombit, humbën njërin prej personaliteteve më të shquara të dekadave të fundit, - thotë Berisha, kurse Aleanca Kuqezi në një deklaratë të saj e quajti Xhaferin "rilindësin shqiptar në Ballkan".

(A.N.)

Në foto: Arbën Xhaferi i fotografuar nga Corbis në 2001