Një grua bëhet gjenerale; dhe po atë ditë deklaron se është homoseksuale

Tammy S. Smith është një grua 49 vjeçare, ushtarake, saktësisht gjenerale brigade. Ka 26 vjet që shërben në ushtrinë amerikane, por gradën e gjenerales e mori të premten, dhe atje, në ceremoninë e gradimit, kish shkuar me njeriun me të cilin bashkëjeton. Dhe për befasinë e shumëkujt, ky njeri ish një grua. Quhej Tracey Hepner, dhe gjeneralja e prezantoi si gruan e saj (në foto janë të dyja bashkë, në festën e ceremonisë).

Ndonëse u bë ca kohë (më 20 shtator 2011) që një ligj federal ka anuluar praktikën “don’t ask, don’t tell”, që me një shqipe përshkruese don të thotë “në çështje të orientimit seksual, askush nuk është i detyruar të shpjegohet e askush nuk ka të drejtë të kërkojë shpjegime”, dhe ndonëse pas këtij momenti çdo gay mund të deklarohet që është gay, nuk është se rrethana të tilla kalojnë “si të ishin një gjë e zakonshme”. “Është e rëndësishme që gjeneralja Smith është e para. Më pas, do jetë më e lehtë, ngaqë kushdo që të jetë nuk do jetë me e para”, tha me këtë rast një kolege e gjenerales rishtare, .... dhe lezbike.

Re.Pu.