Pak minuta ka zgjatur dorëzimi i detyrës në SHISH

Sipas së përjavshmes Java, që ka patur një bisedë shumë të kursyer me ish-kreun e SHISH-it, Bahri Shaqirin (ky i fundit ka nxjerrë nga goja jo më tepër se dy-tri fraza pa ndonjë interes gazetaresk), Presidenca, me të marrë vendimin e shkarkimit, e ka futur urdhërin në një zarf të dyllosur, dhe e ka nisur me porosinë që t’i bjerë në dorë kreut të shërbimeve sekrete. Në shkresën e nisur shkruhej ajo që tanimë është marrë vesh: Me propozim të kryeministrit liroj nga detyra drejtorin e SHISH-it, Bahri Shaqirin, dhe emëroj në këtë detyrë Visho Ajazi Likën”.

Sipas Lorenc Vangjelit që ka shkruar këtë artikull, Visho Ajazi ka mbërritur në SHISH për të marrë detyrën vetëm pak minuta pas mbërritjes atje të dekretit të Presidentit, a thua se po priste prapa derës. Takimi mes të dyve, në prani të disa të tjerëve, ka zgjatur pak minuta, gjithashtu. Një dorëzim detyre, një shtrëgim duarsh, dhe ... secili në punë të vet. Puna e Ajazit dihet. Ndërsa ajo e Bahri Shaqirit është – këtë e thotë ai vetë – .... ca pushime buzë detit.

Re.Pu.