Krimi tek Fusha e Aviacionit: Policia nuk i është përgjigjur thirrjes tek 129

Shekulli i sotëm kish dalë me një titull që s’të lë indiferent: “Alo 129? Të përgjigjen një m….” 129 është numri i telefonit të policisë, që do duhej të ish aktiv 24 orë non stop, e ku normalisht pas dy a tre sinjalesh thirrjeje të qytetarëve do duhej të dëgjohej zëri: Alo, policia e Republikës jemi. Mirëpo, në Shekullin e sotëm jepet pretendimi i dikujt që ka provuar të marrë në telefon policinë nga vendi ku grabitësit vranë Fatbardha Tafën (Fusha e Aviacionit), dhe në këtë numër nuk i është përgjigjur askush. Isa Meta (në foto), dëshmitar në skenën e krimit, thotë për gazetën e Kokëdhimës, se “policinë e kemi telefonuar deri sa jemi lodhur; i ramë numrit 129 dhe nuk morëm përgjigje”.

Re.Pu.