Ilir Yzeiri: Regjimi mban anën e Nexhmijes dhe sulmon Kadarenë

Publicisti Ilir Yzeiri, që ka ndjekur me vëmendje debatin e provokuar nga padia e ngritur nga Ismail Kadare në adresë të Nexhmije Hoxhës lidhur me dorëshkrimin e Dimrit të Vetmisë së Madhe, ka vënë re (e bën të ditur në shkrimin e tij të publikuar në Shqipin e sotëm) një mobilizim “të nëpunësve të rinj të Institutit të Krimeve të Komunizmit” e të “gazetave periferike të regjimit”, të cilat kanë zënë të botojnë “shkrime të Kadaresë marrë nga gazeta Drita e viteve të diktaturës”. Më poshtë, Yzeiri përmend dhe një gazetë tjetër periferike (nuk i pwrmend me emwr gazetat, por duhet ta ketë fjalën për Standardin e Metropolin, që kanë qenë shumë të tërhequr nga ‘zënka’ Kadare-Nexhmije), që “rimerr një argument tjetër: Kadare-Pipa dhe gjuha standarde”. Prej këtu, autori i shkrimit heq një paralele me rastin ‘Hysni Milloshi’, i cili u shndërrua për pak kohë në një star për regjimin, ngaqë hoqi ca vota nga thesi i votave të Ramës. Mesazhi? Tani, regjimi është vënë në mbrojtje të Nexhmije Hoxhës, sepse Kadare është në krahun e kundërt (Yzeiri kujton letrën që shkrimtari i nisi Lulzim Bashës, me anë të së cilës i bënte thirrje të tërhiqej nga gara për bashkinë e Tiranës.

Shkrimin e plotw mund ta ndiqni nw linkun: http://gazeta-shqip.com/lajme/2012/08/04/kadare-hoxha-interteksti-dhe-ca-te-tjere-rruges/

E.G.