Rama kancelarit austriak: Fajin e ka qeveria ime; jo kompania juaj

Përpara se të hyjë në thelbin e gjërave, Rama tregohet i kujdesshëm të harxhojë ca fjalë të mira për kompaninë austriake: “Jam i ndërgjegjshëm se përgjatë viteve ‘Austrian Lotteries’ ka qenë në gjendje të gjenerojë shuma domethënëse për shtetin austriak si dhe për publikun austriak, duke vepruar me mënyra të ndershme në këtë sektor delikat, ku integriteti i operatorit është me një rëndësi esenciale”. Dhe pas kësaj, vjen një “megjithatë”: “Megjithatë, jam i mendimit se sjellja e tyre në rastin e tenderit shqiptar nuk ka qenë e këtyre standardeve dhe se ata kanë dështuar të aplikojnë të njëjtat kritere siç bëjnë në vendin tuaj”.

Tani është hera për të shpjeguar gjërat: “Kushtet e tenderit në Shqipëri, që është denoncuar që në fillim si i manipuluar nga mediat dhe kompanitë pjesëmarrëse, nuk përfshinin disa rregulla që zakonisht udhëheqin këtë proces dhe garantojnë një proces të ndershëm ofertimi, përfitime thelbësore fiskale për shtetin, trajtim të ndershëm të publikut ose përfitimet për grupe të dizavantazhuara sociale. Lotaritë Kombëtare janë në fakt një mjet unik për të krijuar të ardhura fiskale, përfitime për publikun dhe po ashtu kontributorë të rëndësishëm për çështjet sociale kudo në Europë.”

Pasi ia lë qeverisë shqiptare, duke thënë se “është turp që qeveria jonë aktuale ka zgjedhur të injorojë këto gjëra”, Rama premton se “ka si qëllim të ndërmarrë çdo hap të mundshëm ligjor për të hetuar të gjithë procesin, dyshimet për manipulim dhe për të riparuar dëmet që i janë bërë publikut shqiptar përmes këtij akti të rëndë papërgjegjshmërie”.

Muhnd të keqkuptojë kancelari austriak këtë qasje? Ndoshta, por Rama kërkon empathinë e tij, pasi “[po bëj pikërisht atë që do bënit dhe ju] në rast se do të ishin kompromentuar interesat e publikut austriak ose do ishte abuzuar përmes një akti korruptiv”.

Letrën e plotë mund ta ndiqni në linkun: http://www.gazetatema.net/ëeb/2012/08/01/skandali-i-lotarise-kombetare-edi-rama-i-shkruan-kancelarit-austriak/

Re.Pu.