Tragaj, vrasësi i Golemit, artist me pasion politikën

Ardian Tragaj, autori i dy vrasjeve sot në plazhin e Golemit, në Durrës, është vetëdorëzuar pranë policisë pas negociatave me forcat e rendit. Atij i është gjetur edhe një armë, që mendohet se është ajo që ka përdorur për t’u marrë jetën dy personave.
Piktor dhe shkrimtar, Tragaj e ka shprehur qartë mendimin e tij për vdekjen edhe në tekstin me të cilin ka zgjedhur të përshkruajë veten në faqen web të galerisë që mban dhe emrin e tij, www.ardian-tragaj.com: “Të vdekshmen si nocion e kemi nxjerrë ne qëniet e gjalla (njerëzore), nga paaftësia për të perceptuar ato gjësende që ne i quajmë të vdekshme apo të vdekura; prandaj do të ishte më mirë dhe më e pranueshme që në vend të fjalës vdekje të thoshim shndërrim për vazhdimësi”.
Autor i disa ekspozitave, Tragaj, ka pritur në galerinë e tij edhe punime të piktorëve të tjerë. Në faqen e tij në internet, mes fotove të shumta, spikasin edhe ato ku Tragaj ndodhet pranë disa eksponentëve të politikës shqiptare, si me kreun e PD-së Sali Berisha dhe me atë të republikanëve, Fatmir Mediun, dëshmi e pasionit të tij jo vetëm për artin por edhe për politikën.
Shqiptarja.com
Comments
Paska gjetur kete shpjegim
<p>Paska gjetur kete shpjegim racional kukudhi per t'u marre jeten te tjereve por ndoshta edhe te veten ns puqen rrethanat per kete "shndrrim per vazhdimesi"!!</p>
U be njezet vjet qe gazetaret
<p>U be njezet vjet qe gazetaret thone "U kap vrasesi" dhe "Po kerkohet vrasesi". Kur ne fakt personi qe kerkohet ose kapet eshte gjithmone "I dyshuari per vrasjen". Te jete noi bythe e qut, pas marrjes se pafajsise i hudh ne gjyq kta gazetare palaco.</p>
Artisti ne kohe 'artistesh'
<p>Artisti ne kohe 'artistesh' thekson (si me siper) : "...do te ishte me mire dhe me e pranueshme qe ne vend te fjales vdekje te thoshim shnderrim per vazhdimesi.'</p><p>Pse nuk u 'vazhdimesua' per vete artisti ?!</p><p>Kohe te 'koleres' mendesore...me syze 3D pronesore...</p>
Add new comment