Roberto Benigni ‘nuk e harron asnjëherë’ Berlusconin

Artisti Italian Roberto Benigni ka dhënë show-n e tij të radhës me leitmotiv Danten e Komedinë Hyjnore. Sheshi Santa Croce, Firence, ishte mbushur si rrallë ndonjëherë tjetër, dhe të gjithë kanë shijuar batutat e komikut të njohur, i cili e ka mbajtur shfaqjen e vet si një kombinim dy kohësh të largëta nga njëra tjetra, kohës së Dantes e kohës së sotme. Dhe target i tij ka qenë, si gjithnjë gjatë dy dekadave të fundit, Silvio Berlusconi. Por nuk ka kursyer as të tjerët, si kryeministrin Monti, kryebashkiakun Renzi, deri dhe Beppe Grillo-n. Ja disa të forta që u dëgjuan gjatë show-t:

1. Berlusconi e Dante kanë një gjë të përbashkët: që të dy na kanë bërë të marrim vesh se si është ferri.
2. Dantes i bënë një proces gjyqësor, dhe ia dolën ta syrgjynosnin për njëzet vjet, ndërsa Berlusconit i kanë bërë 200 gjyqe, dhe rezultati është se e kemi patur kryeministër për njëzet vjet.
3. Tani që Berlusconi ka vendosur të rikandidojë prapë si leader i partisë së vet, në partinë e majtë ‘Partia Demokratike’ kanë marrë frymë të lehtësuar; dhe kanë të drejtë; nëse Berlusconi s’kandidon, ka rrezik që këta të fitojnë zgjedhjet, e s’dinë ç’të bëjnë pastaj.
4. Unë dhe Grillo jemi kolegë. Nëse ai fiton zgjedhjet, mua do t’më bëjë ministër të jashtëm. Çfarë qejfi! Do kem mundësi të bëj një dorë muhabet me Obama-n.

Etj, etj.