Tigri në çajnik? :)

Kampionët e saposhpallur të Europës në Tiranë?! “Personalisht do më kishte pëlqyer të sillja në Shqipëri kombëtaren spanjolle me rastin e 100-vjetorit të Pavarësisë. Do bëj përpjekjet e mia dhe për më tepër jam i bindur se do i prisnin mirë. Do më pëlqente sepse shoh që këtu ka një pasion të madh për futbollin”.

Ky është një premtim i bërë në një intervistë në Shekullin e sotëm nga ambasadori i Spanjës në Tiranë Rafael Tormo Perez (në foto). A thua do të ndodhë përnjimend?! Do gjejnë kohë kampionët e mëdhenj të vijnë në Shqipërinë e vogël? Ndoshta...

Veçse të kujton paksa atë tregimin surreal të Tosltoit për tigrin që u fut në... çajnik. U fut dhe nuk dilte. U përpoqën gjithë burrat e shtëpisë së çajnikut, duke përdorur të gjitha mjetet, kush me kërcënim e kush me shkop, por tigri nuk dilte që nuk dilte, u struk më shumë. Në fund e nxori një fëmijë duke i thënë: Eja të lozim bashkë... (A.N.)