Ngacmimet seksuale në punë, i akuzuari ka barrën e provës

Qeveria është duke ndërmarrë ndryshime në Kodin e Punës, të cilat krahas rregullimeve estetike përmbajnë edhe disa çështje të rëndësishme, siç është kryerja e lejes vjetore me detyrim duke mos dhënë para në këmbim të saj, rritja e penaliteteve për rastet e ngacmimeve seksuale në punës apo dhënia e lejes për burrat në rastet e kur lind bashkëshortja. Drafti është duke u konsultuar me grupet e interesit, ndërsa së shpejti pritet të miratohet edhe në mbledhje qeverie. “I takon personit i cili pretendohet se ka kryer shqetësimin seksual ndaj punëmarrësit, të provojë që nuk ka ushtruar asnjë nga format e sipërcituara te shqetësimit seksual”, - specifikohet në draft-kodin që është duke u diskutuar. Ndryshimet në Kodin e Punës prekin të gjithë punonjësit në administratë apo ndërmarrje private.

Ja disa nga ndryshimet e tjera që janë propozuar në kod:

-Kryerja e lejes vjetore është me detyrim, nuk jepen para në këmbim të saj

-Kush del në punë gjatë festave zyrtare paguhet 125 % më shumë plus pagës ditore

-Shtyhet leja vjetore kur punonjësi sëmurët apo pëson aksident gjatë kryerjes së saj

-Bashkëshorti merr 3 ditë leje me pagesë kur lind bashkëshortja

-Në rast largimi pa shkak nga puna, periudha e dëmshpërblimit fillon kur çështja dërgohet në gjykatë deri në dhënien e një vendimi të formës së prerë

-Kur lajmërohet për largim nga puna, punonjësit i duhen lejuar katër orë pune të paguar në javë për të kërkuar një punë të re

S.E.