Një libër i Sokol Sadushit i mbledh të gjithë në hotel Tirana

Në një nga sallat e hotel Tiranës, juristi Sokol Sadushi promovoi librin e tij me titull Drejtësia Kushtetuese në Zhvillim, për të cilën nuk u kursyen fjalët e mira nga një numër juristësh të tjerë të njohur, po aq sa Sadushi, për kompetencën e zotësinë e tyre, si Luan Omari, Kristaq Traja, e Aurela Anastasi. Që të tre këta të fundit folën për librin dhe lanë të kuptohej se bëhej fjalë për një ngjarje me rëndësi akademike (“është një prurje e jashtëzakonshme në literaturën juridike”, u tha).

Interesi në atë sallë ishte në lartësinë e këtyre vlerësimeve. Ish aty një pjesë e mirë e elitës juridike, politike e institucionale, të majtë e të djathtë, ish-presidentë, ish-kryeministra, deputetë, anëtarët e Gjykatës Kushtetuese (vetë Sadushi ka qenë për vite të tëra anëtar i kësaj Gjykate), etj, etj.

Re.Pu.