Sondazhi Piepoli: Veliaj 52%, Kosova 36%, Bojaxhi 8%; “E majta” 58.5% të votave kombëtare

Instituto Pieopoli, kompania më e njohur italiane e sondazheve, publikoi sot në A1 Report një sondazh për garën e Tiranës dhe një sondazh kombëtar (Instituto Piepoli e parashikoi me sukses fitoren e koalicionit “të majtë” para zgjedhjeve shqiptare të 2013-ës në Vizion Plus).

Sipas sondazhit Piepoli, në qoftë se do të zhvillohej votimi sot, Erion Veliaj do të fitonte 52% të votave të tiranasve që do të merrnin pjesë në zgjedhje. Halim Kosova do të merrte 36% të votave, Gjergj Bojaxhi do të merrte 8% të votave dhe të tjerët 4%. Koalicioni që përkrah Erion Veliajn do të merrte sot 60% të votave, ndërsa koalicioni që përkrah Kosovën do të merrte 36.5% të votave.

Bie në sy që Veliaj ka një deficit 8% në krahasim me koalicionin, ndërsa Kosova praktikisht ka të njëjtën përqindje me koalicionin (36%).

Në nivel kombëtar, koalicioni “i majtë” do të merrte sot 58.5% të votave të shqiptarve që do të merrnin pjesë në zgjedhje, ndërsa koalicioni “i djathtë do të merrte 39.5%. Dy koalicionet kanë një raport përqindjesh mes tyre, praktikisht te njejte me atë që regjistruan parvjet në zgjedhjet parlamentare.

Në lidhje me besimin që kanë votuesit për katër liderët politikë kryesorë, Rama është i pari me 58% dhe Berisha i fundit me 30%. Përqindja e Ramës është praktikisht e barabartë me kuotën e koalicionit qe ai udheheq, ndërsa e Bashës (33%) është 6.5 pikë më poshtë se kuota e koalicionit te tij (39.5%)