Maxhoranca mbahet pas tezës, se “Brukseli na refuzoi për faj të opozitës”

Maxhoranca shpreson që brenda vitit, saktësisht në fund të vitit, të marrë statusin e vendit kandidat. Këtë e tha mbrëmë në Top Story Ministri i Jashtëm, Edmond Haxhinasto. Mirëpo nga ana tjetër, ky i fundit, i pyetur mbi arsyet e refuzimit që na u bë gjatë vitit të shkuar, vijonte të mbahej mbas degës së “opozitës fajtore”. “Opozita, me bojkotin e vet, ka patur një ndikim të jashtëzakonshëm në vendimin e Brukselit për t’mos na i dhënë statusin”, tha në thelb ai.

Nëse e kanë bindje këtë gjë, ka rrezik të mjaftohen me “klimën e re politike” që ka sjellë pjesëmarrja e opozitës në parlament e votimi  i disa ligjeve me 3/5 e votave, dhe të mos fokusohen tek arsyet e vërteta të refuzimit, që kanë qenë e janë pafuqia për të bërë zgjedhje normale, sistemi i korruptuar i drejtësisë, administrata publike e politizuar, insitucionet e brishta, korrupsioni i shfrenuar, etj. Dhe rezultati dihet. Nuk do ta marrim statusin në fund të vitit.

Re.Pu.