Afganistani e Etiopia janë përpara ‘Shqipërisë së Berishës’

Në Tema online kishin gjetur mënyrën më të mirë për të shfryrë tollumbacen e Berishës për rritje ekonomike në nivelin e 18%-ëshit gjatë katër viteve të fundit (është interesante, dhe për të qeshur, që kryeministri nuk vajton rritjen 0,5% të vitit të shkuar, por mburret me shumën aritmetike të rritjeve në katër vitet e fundit). Së pari, thonë në Tema, rritja 18% nuk figuron asgjëkund. Sipas FMN-së, rritja (si shumë aritmetike) gjatë katër viteve të fundit është 9,6%. Dhe po sipas FMN-së, po të aplikojmë të njëjtin marifet berishian të matjes së rritjes ekonomike, i bie që para nesh janë Afganistani me 40%, Etiopia me 28%, madje dhe Singapori (që i ka kaluar, ngaqë është vend i zhvilluar, kohët e rritjeve të forta) me 19.6%. E gjithë kjo për të treguar së pari, që rritja e katër viteve së bashku nuk është ajo që pretendohet, dhe së dyti që rritja ekonomike nuk ka kuptim të matet kështu.

E.G.