Vritet bashkëpunëtori i vrasësit të komisarit të Krujës

Është ekzekutuar në Durrës me breshëri automatiku miku i vrasësit të komisarit të Krujës, Gani Malushit. 

Viktima i identifikuar si Nikolin Prenga u vra në një pritë në Spitallë të Durrësit, natën e së dielës, rreth orës 20.45 teksa lëvizte me automjetin e tij tip BMW me targa të huaja. 

Ende nuk dihet se cilët janë autorët e këtij krimi, të cilët dyshohet se kanë ndjekur lëvizjet e viktimës dhe e kanë qëlluar me breshëri automatiku nga prapa. Plumbat e kanë zënë në trup dhe kokë dhe megjithë dërgimin në spitalin rajonal 

VrasjeKamëz, vrasje tek Instituti BujqësorVrasja e kryekomisaritTiranë, vrasje në urban

nuk ka mundur të mbijetojë. 

Sipas policisë, viktima ishte person me precedentë penalë dhe i përfshirë në konflikte të ndryshme. Vitet e fundit ai kishte punuar si roje sigurie në disa pika bastesh e lojërash fati. 

Prenga ishte akuzuar si bashkëpunëtor në vrasjen e Gani Malushit nga Prokuroria e Durrësit dhe dënuar nga Gjykata e Shkallës së Parë, po më pas fitoi pafajësinë në Apel. 

Pas marrjes së pafajësisë Prenga fitoi me vendim gjykate dhe kompensim për burgim të padrejtë nga Ministria e Financave.

TOP CHANNEL