Vrasja e Santos, përgjegjësi i sallës operative mungonte.

Mungesa e përgjësit të sallës operative në policinë e Tiranës, duket se ka sjellë moskordinimin në kohë rekord për ngritjen e postoblloqeve policore në dalje të kryeqytetit, nga të cilat mund të ishte ndaluar motori me dy autorët që ekzekutuan në 26 qershor Artan Santo.

Sipas prokurorisë, e cila njëherësh me hetimet për Santon po verifikon dhe veprimet në teren të Policisë së Shtetit, ditën e ngjarjes përgjegjësi me inicialet N.M i sallës operative nuk ndodhej në detyrë.

Kjo jo për shkak të largimit të tij me dëshirë, por për shkak të eprorëve të tij, të cilët atë ditë e kishin transferuar në një pozicion tjetër.