Shpërthim në banesën e ish-futbollistit, te zona e Medresesë

Një shpërthim i fuqishëm ka tronditur banorët e kryeqytetit mesnatën e së të premtes duke gdhirë e shtuna. Ngjarja ka ndodhur në zonën e Medresesë në rrugën “Ibrahim Kazazi”. Shpërthimi ka ndodhur në banesën e ish-futbollistit Skerdi Bejzade dhe fatmirësisht, nuk ka pasur persona të lënduar, por vetëm dëme materiale.Mësohet se në çastin e shpërthimit, në banesë ka qenë vetëm nëna e ish-futbollistit. Menjëherë në vendngjarje kanë shkuar forcat e policisë të cilat vijojnë hetimet për zbardhjen e plotë të ngjarjes dhe identifikimin e autorëve.