Rusi, miratohet ligji i ri që ndëshkon protestuesit

Pas një debati 11 orësh, deputetët rusë kanë miratuar projektligjin e ri mbi protestat me 241 vota pro dhe 147 kundër. Ligji i ri i cili parashikon gjoba marramendëse për demonstruesit, u aprovua edhe pse opozita paraqiti 400 amendamente për të vonuar miratimin. 

Kritikët kanë akuzuar qeverinë se po dhunon lirinë e njerëzve. Pas kalimin në dhomën e ulët, projekligji do të diskutohet në senat. Më pas do të duhet firma e presidentit, Vladimir Putin që të hyjë në fuqi. 

Një ditë më parë, policia arrestoi rreth 20 protestues të cilët ishin mbledhur përpara parlamentit. Që nga dita e hyrjes në fuqi, ata që do të marrin pjesë në protesta rrezikojnë gjobë deri në 13 mijë euro, në një kohë që organizatorët deri në 39 mijë euro. 

Albanian Screen