Rama: Do të reformojë strukturat shtetërore dhe do të godasim të korruptuarit. Do përgjigjemi për zotimet një për një

Edi Rama e ka nisur konferencën e tij të parë online si Kryeministër me 15 minuta vonesë. “Jam këtu, ndjesë për vonesën, çështje interneti në djepin e Shqipërisë digjitale,” shkruan Rama me ironi.

Kryeministri Rama ka dhënë përgjigje për sa i përket ligjit të statusit të nënpunësit civil, për të cilin tha se ligji krijon një vakuum ligjor që e bën atë një ligj të pazbatueshëm për mungesë aktesh nënligjore. Megjithatë Rama ka siguruar që do të qëndrojë në detyren e tij çdo punonjës i administratës që i shërben ligjit dhe punës me korrektësi.

“I rrezikshem eshte vakuumi qe krijon ligji ne fjale si i pazbatueshem per mungese aktesh nenligjore. Gjithkujt do t’i jepet mundesia te konkuroje. Ne nuk do te pastrojme administraten nga njerezit po shtetin nga korrupsioni. Cdo sherbetor i ketij shteti qe eshte ne detyre fale merites do te qendroje ne detyre dhe do respektohet shume me teper se deri sot” shkruan ai.

I pyetur nëse do të kallëzohen penalisht ish- pushtetarët që janë përfshirë në afera korruptive, Rama thotë:“Padyshim që po”.

Më pas Rama angazhohet: “Do të reformojë strukturat shtetërore dhe do të godasim të korruptuarit”.

Një vlerësim shkon edhe për Policinë e Shtetit dhe punën e saj këto ditë. “10 ditët e para në detyrë të Ministrit të brendshëm premtojnë shumë, jam i bindur se ne do ta kthejmë Policinë e Shtetit në detyrë”.

Kryeministri ka siguruar se do të lirohet çdo ambjent shkolle nga bizneset private, ndërsa është shprehur për reformë të thellë në sistemit arsimor. Ndërkaq shefi i qeverisë është shprehur se do tu përgjigjet të gjitha zotimeve deri në fund të mandatit, duke iu referuar një pyetje, e cila i referohet heqjes së TVSH per produktet e shportes, si te importuara apo te vendit ne fillim te vitit 2014?

“Ne do mbajme zotimet tona dhe do te pergjigjemi per to nje per nje ne fund te mandatit. Si fillim duhet te ndalim renien e madhe! Mesuesit s’jane te partise po te femijeve e nxenesve te Shqiperise! Koha e ngjyrimit politik te mesuesve ka mbaruar”, shkruan ai.

Kryeministri theksoi se do të vazhdojë të zhbëjë vendimet e marra nga qeveria e Berishës gjatë kohës që ajo kishte humbur pushtetin. “Kemi nisur shfuqizimet sikundër jemi zotuar publikisht dhe do të vazhdojmë,” thotë Rama.

I pyetur nëse do të ketë favorizime ndaj bosave shqiptarë, Rama thotë se nuk do ketë asnjë favorizim.

I pyetur në lidhje me bulevardin e ri të Tiranës, Rama tha se po e ndjekin nga afër çështjen e shpronësimeve që po bën Bashkia.

Rama tha se situata ekonomike në vend është e rëndë.

“Kriza e ekonomisë dhe financave të vendit është e thellë. Po përgatitemi për një ndërhyrje radikale. Do ta kapërcejmë së bashku”.

I pyetur në lidhje me çështjen e drejtësisë së korruptuar, Rama tha: “Shumë shpejt nis punën një grup ekspertësh për të çuar më tej reformën në drejtësi”.

Shqip