ONAK: Shqipëria nuk ishte e vetmja shpresë, SHBA kanë alternativa

Postuar në 15 Nëntor, 2013 13:50

Refuzimi i Shqipërisë për shkatërrimin e armëve kimike përkoi edhe me afatin e fundit (15 nëntor) për hartimin e një plani të detajuar nga Organizata për Ndalimin e Armëve Kimike (ONAK) dhe Damasku.

Siria duhet të largojë nga territori i saj 1.300 ton lëndë kimike, të cilët janë shumë të rrezikshme për tu eliminuar atje, ndërsa konflikti vazhdon.

Siç raporton Reuters, duke cituar një burim nga ONAK, Shqipëria nuk ishte e vetmja shpresë për përfundimin e planit të shkatërrimit të armëve kimike të Sirisë.

“Nuk do të ketë një vend pritës në vendimin e kësaj pasdite. Por ata [SHBA] kanë alternativa, “tha burimi i ONAK

Në shtator të këtij viti, Rusia dhe SHBA ndërmjetësuan një marrëveshje me qeverinë siriane për të shkatërruar arsenalin e armëve kimike të vendit të shkatërruar nga lufta.

Më herët Reuters raportoi se takimi i 41-anëtarëve të Këshillit Ekzekutiv  të Organizatës për Ndalimin e Armëve Kimike është shtyrë deri në një njoftim që do te merrej nga Tirana. 

 

 

 

PANORAMA

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.