Ndërpritet energjia, mbi 53 milionë brazilianë në errësirë

Një ndërprerje masive e energjisë ka lënë më shumë se 53 milionë brazilianë në errësirë. Incidenti është më i fundit në një varg të mungesash të ngjashme që kanë ngritur pyetje në lidhje me infrastrukturën e Brazilit. Zyrtarët thanë se një zjarr në një nënstacion në Amazonë nxori jashtë funksionit një rrjet të tërë të energjisë elektrike në Verilindje të Brazilit. Ndërprerja zgjati për 4 orë e shënoi black-outin më të rëndë që nga viti 2001. 

Ndërprerja e energjisë preku 11 shtete braziliane në rajonet veriore të vendit. Qeveria nuk ka saktësuar ende shkaqet e një serie ndërprerjesh që kanë minuar besimin në sistemin elektrik të Brazilit. Mungesat e energjisë kanë shtuar shqetësimet se vendi nuk do të jetë gati të presë dy evenimente të mëdha sportive globale, Kupën e Botës në vitin 2014 dhe Lojërat Olimpike në 2016. 

Politika e energjisë ka qenë në krye të përpjekjeve të qeverisë për t'i dhënë hov rritjes së ngadaltë në ekonominë më të madhe të Amerikës Latine.

Albanian Screen