Në masa të rrepta sigurie te gjykata e krimeve të rënda, Fatmir Vladi dëshmon para Frrokut

Në masa të rrepta sigurie, në Gjykatën e Krimeve të Rënda ka nisur seanca gjyqësore ndaj Arben Frrokut, të akuzuarit kryesor për vrasjen e kryekomisar Dritan Lamaj. Seanca gjyqësore po zhvillohet me dyer të mbyllura. Kjo për shkak të mbajtjes nën siguri të plotë të dëshmitarit të mbrojtur i cili ndodhet në gjykatë. I njohuri si Arben Ndoka, tashmë i zbuluar nga vetë Frroku si Fatmir Vladi, pritet të dëshmojë për herë të parë lidhur me vrasjen e Lamaj, ku pretendon se ka parë autorin e vrasjes së tij.