Kulicaj-Tahiri, gjykata pushon padinë

Gjyqtarja Fatime Deçolli rrëzoi kërkesën e nëndrejtorit të përgjithshëm të policisë, Agron Kulicaj, i cili përgjatë këtij viti kërkoi që deputeti socialist Saimir Tahiri, në atë kohë në opozitë e tashmë ministër i Brendshëm, të përgënjeshtronte një deklaratë kundër tij si dhe ta shpërblente për cënimin e dinjitetit me shumën e 1 milionë lekëve. Gjykata shprehet se, në detyrën e tij si politikan dhe përfaqësues i zgjedhur i popullit, Saimir Tahiri ka shprehur opinionin e tij në lidhje me një situatë të krijuar për shkak të verpimeve dhe mosveprimeve të strukturave të shtetit të kohës, pjesë e të cilës është edhe paditësi Kulicaj.

Konkretisht, thotë gjykata, Tahiri ka qenë duke ushtruar të drejtën e tij për të informuar opinionin publik në lidhje me shkaqet e situatës së krijuar në minierat e Bulqizes.

Sipas gjykatës, përdorimi nga Tahiri i shprehjes “Emri i Agron Kulicajt lidhet direkt me kontrabandën e minerareve” është bërë pikërisht në këtë kontekst, pra për të informuar opinionin publik.

Për këtë, sipas gjyqtares, nuk ka veprime të kundraligjshme nga i padituri, peë sa kohë këto thënie janë të natyrës së opinionit. Për këtë, vijon gjykata, padia duhet të rrëzohet pasi është e pabazuar në prova.

Top Channel