Kakavijë, sekuestrohen 5 kg marijuanë, arrestohet 35-vjeçari

KAKAVIJË – Policia kufitare e Kakavijës në Qarkun e Gjirokastrës ka arrestuar një 33-vjeçar pasi në mjetin me të cilin ai po udhëtonte janë gjetur të fshehura 5 kg marijuanë.

Nga burime të policisë bëhet me dije se në mjetin tip ‘Ford Fokus’ me portobagazh me targa AA 207 JT, në pjesën e prapakolpit u gjet një sasi lendë narkotike kanabis. Lënda narkotike ishte e ndarë në 10 pako me nga 500 gram secila.