Këmbimi valuator, leku fiton pikë ndaj euros e dollarit

 Monedhat e huaja kryesisht euro dhe dollarë, kanë humbur pikë në tregun e këmbimit valutor vendas, duke i hapur rrugë forcimit të lekut. 

Sipas kursit zyrtar të këmbimit, leku është vlerësuar ndaj dy valutave kryesore në treg, pas një dobësimi në ditët e fundit. Euro është dobësuar lehtë të premten kundrejt lekut, duke ruajtur nivelin mbi 139 lekë. Një euro u këmbye sot me 139.72 lekë, 0.05 lekë më shumë se fundjavën e kaluar. Ndërkohë edhe dollari ka pësuar një zhvlerësim pas vlerësimit të një dite më parë. 

Monedha amerikane është këmbyer sot në 108.48 lekë, 0.20 lekë më pak se një ditë më parë. Sipas ekspertëve të këmbimit valutor, dollari do të vijojë të ruajë nivele të larta, së paku deri në fund të këtij viti. Zhvlerësimi i euros në tregun vendas po ndodh pavarësisht ecurisë së mirë të saj në tregjet ndërkombëtare. Në tregun vendas ka qenë kërkesa e brendshme e lartë ajo që ka ndikuar në forcimin e euros, një tendencë përgjithësisht sezonale kjo, si rrjedhojë e gjallërimit të aktivitetit të kredisë.

Ballkanweb.com