Gjirokastër, Ujërat e zeza e mungesa e kanalizimeve ndotin lagjen “Kodra e Shtufit”

Ujërat e zeza vazhdojnë të jenë problem për banorët e lagjes Kodra e Shtufit në Gjirokastër. Janë dhjetra familje të kësaj lagjeje që jetojnë aty prej 20 vjetësh, që ankohen për mungesën e kanalizimeve të ujërave të zeza.

Në shumicën e rasteve banorët thonë se problemet janë zgjidhur privatisht, duke faturuar automjete që kanë pastruar kolektorët nga mbetjet, ndërkohë që nga organet përgjegjëse si bashkia dhe ndërmarrja e ujësjellës kanalizimeve nuk është marrë asnjë masë.

Sipas banorëve, ky problem duhet të zgjidhet, pasi ata paguajnë rregullisht taksat vendore që shkojnë në bashki për pastrim territori dhe kanalizime.