Burimet natyrore, OSBE: Bashkëpunim me komunitetin. Haxhinasto: Bilanc pozitiv

TIRANE- Kreu i prezences se OSBE-se, ne vendin tone, ambasadori Eugen Wollfarth ka theksuar sot rendesine e bahskepunimit te ngushte me komunitetin per menaxhimin e burimeve natyrore. Deklarata eshte bere gjate fjales se tij ne workshopin me temë “Përgjegjshmëria sociale e korporatave në industrinë nxjerrëse”.

Sipas tij, menaxhimi i burimeve natyrore mund të jetë më i efektshëm ku komunitetet janë të përfshira.  Me tej, ambasadori theksoi se zbatimi i përgjegjshmërisë sociale është një koncept që duhet të merret parasysh nga korporatat dhe shkon përtej detyrimeve ligjore.

Ne fjalen e tij ne nisje te aktivitetit, ministri i Ekonomisë Edmond Haxhinasto deklaroi se bilanci i industrise nxjerrese dhe perpunuese ne vend eshte pozitiv, nderkohe qe sipas tij, eshte shenuar rritje e prodhimit vendas.

“Garancia e punës që lidhet me standartimizimin e një pune të qëndrueshme dhe këtu kemi shumë për të bërë dhe ka vend për një monitorim të standarteve”- tha ai.

Sipas ministrit, me rëndësi është arsimi profesional dhe kualifikimi i punonjësve.

“Një aspekt tjetër shumë i rëndësishëm është mjedisi. Ne e kosiderojmë si një pjesë integrale mbrojtjen e mjedisit. Mbrojtja e mjedisit është domosdoshmëri në këto industri që krijojnë ndotje por edhe ky mjedis duhet rehabilituar dhe vetë industria duhet të kontribuojë për ambjentin” tha ai

PANORAMA