Çelet festivali i mollës në Devoll. Fermerët: E shesim shumë më lirë se sa tregëtarët

Në parkun e Cangonjës së rrethit të Devollit po zhvillohet Festivali i Mollës. Në këtë festival janë ekspozuar mollë të të gjitha varieteteve, prodhime të këtij viti nga katër rrethet e qarkut të Korçës, si dhe produkte te tjera të stinës si lajthi, arra, mjaltë, etj. 
 Në hapje të festivalit Drejtori i Bujqësisë së Qarkut, Adrian Maho deklaroi se prodhimi i mollëvë është 20 herë më fitimprurërës për fermerët e zonës se sa gruri. 
 Molla e rajonit juglindor është vlerësuar edhe nga ministri i Bujqësisë Genc Ruli, i pranishëm në festival. Ai tha se ky produkt ka një treg të mirë jo vetëm brenda vendit, por dhe jashtë tij, ndërsa theksoi se ky fut transportohet deri në Afganistan për ushtarët shqiptarë dhe ata amerikanë të NATO-s. 
 Në të gjithë qarkun e Korçës janë 1850 hektarë të mbjella më mollë nga të cilat janë fituar vetëm këtë vit 36 mijë ton. E megjithatë fermerët e zonës thonë se çmimi me të cilin ata shesin frutin për tregëtarët është 3- 4 herë më i vogël se sa çmimi me të cilin konsumatorët e blejnë në treg. Albanian Screen