raporti i DASH

Kryeministri Edi Rama deklaron shpesh se ndryshimi i qeverisjes, standardeve dhe shumëçkaje tjetër që ka të bëjë me institucionet publike në Shqipëri është epokal në krahasim me qeverinë e mëparëshme të drejtuar nga Sali Berisha.

Është kundërshtuar shpesh ky qëndrim dhe z. Rama është kritikuar se e ka element demagogjikë në këtë drejtim. Raporti i publikuar sot nga Departamenti Amerikan i Shtetit në fakt e konfirmon këtë kritikë, meqenëse sikurse shihet më poshtë, në treguesit kryesorë ai është thuajase identik në përkufizimet e veta me raportin e vitit 2013.

Dukshëm i pakënaqur nga përmbajtja e raportit të Departamentit Amerikan të Shtetit për Klimën e Investimeve të Huaja në Shqipëri, ministri i Financave Arben Ahmetaj doli në një konferencë për shtyp ky pranoi defektet dhe problemet siç tha ai, por gjithsesi mbrojti praktikën e investimeve publike me formulën e Partneritetit Publik Privat, duke thënë se me buxhet qeveria e ka të pamundur të kryejë investime të këtyre përmasave.