Tenori Agim Hushi: Urime nga personalitetet më të larta politike botërore, por jo nga Presidenti i vendit tim!…

“Me rastin e daljes në treg të “Amore Grande” mora shumë letra urimi dhe vlerësimesh nga shumë personalitete të botës, përfshirë presidentin e Italisë Giorgio Napolitano, kancelaren gjermane Angela Merkel, presidentin e EU Jose Barroso, presidentin austriak Helmut Fisher, mbretëreshën e Anglisë Elisabeta II etj., por jo nga Presidenti shqiptar, Zoti Nishani, të cilit në mënyrë të posaçme i kam dërguar CD me nënshkrimin tim si dhuratë nga Vjena. Por as ai dhe as ata që ka mbrapa për këtë punë nuk pati kurajon apo fisnikerinë të më njoftojnë që të pakten e moren CD time qe ua kam nisur me postë speciale që në muajin prill 2013…”, ka shkruar tenori i njohur shqiptar Agim Hushi në profilin e tij në Facebook.

E përçmoj gjestin primitiv të z.Nishani. I them këtij njeriu se arti qëndron mbi çdo parti. Presidentë të tillë me kaq mentalitet primitiv harrohen me kohën ose akoma edhe më keq, kujtohen me turp! – mbyll shënimin në profilin e tij artisti i famshëm shqiptaro-australian., shënim që është botuar  edhe në gazetën Dita.

Zh.