Për tifozët italianë: Ja rrethanat e kualifikimit të Italisë pas ndeshjeve të ores 20.45

Shumë njerëz janë duke pritur ndeshjet e orës 20.45, Itali-Irlandë dhe Spanjë-Kroaci. Për ata tifozë italianë (të cilët në Shqipëri duket se janë të shumtë) që janë disi konfuzë, për shkak të formulës të ngatërruar, lidhur me mundësitë e kualifikimit të Italisë për në turin e mëpastajmë, sqarojmë:

Italia duhet të fitojë se s’bën ndeshjen me Irlandën, dhe kjo nuk është e thënë që të mjaftojë. Gjithçka do të varet nga ndeshja tjetër, ajo Kroaci-Spanjë. Nëse kjo e fundit (gjithnjë, në rast të fitores së Italisë në ndeshjen me Irlandën) përfundon me fitoren e njërës apo tjetrës, atëherë Italia kualifikohet si skuadra që zë vendin e dytë në grup. Nëse ndeshja mes Kroacisë e Spanjës del barazim, atëherë ka disa situata. Së pari, nëse barazimi është 0-0, atëherë Italia del e para në grup; së dyti, nëse barazimi është 1-1, atëherë Italia kalon turin, por me kusht që të fitojë kundër Irlandës ose me 3 gola diferencë, ose me 2 gola diferencë, por jo me rezultatin 2-0 (i hyjnë në punë veç rezultate të llojit 3-1, 4-2, 5-3, etj). Në fund, Italia digjet për çdo lloj barazimi tjetër (2-2, 3-3, 4-4, etj), pavarësisht nga lloji i fitores që do arrijë ajo vetë kundër Irlandës.

Re.Pu.