Ngurimi i opozitës për të hequr imunitetet

Opozita e ka vonuar ok-in e vet për të miratuar ligjin mbi heqjen e imuniteteve, ngaqë ka qenë në pritje të momentit presidencial. Ata kanë qenë me mendjen që, nëse Presidenti zgjidhet konsensual, atëherë do të votojnë menjëherë në favor të heqjes së imuniteteve, dhe nëse Presidenti zgjidhet nga Berisha, atëherë ligji për imunitetet nuk do të votohet. Pse? Sipas opozitës, nëse Berisha merr presidentin, atëherë ai do të fusë në xhep dhe prokurorin, gjykatat dhe shërbimet sekrete, e në këto rrethana, opozitarët pa imunitet do të ishin viktimat eventuale në stinën e gjuetisë së shtrigave.

Gjinushi, në një intervistë për Shqipin e sotëm, thotë se ‘PS-ja nuk duhet ta votojë ligjin për imunitetet. “Imuniteti mbetet mjeti i vetëm për të inkurajuar segmente të institucioneve të pavarura, ose individë që kanë një minimum personaliteti për t’iu kundërvënë qeverisë”, saktëson ai.

E.G.